1223. Mai 25. Breslau, und Mai 27. Schmarse.

Bischof Lorenz von Breslau überlässt auf Bitten des Herzogs Kasimir von Oppeln den Nonnen bei der Salvatorkirche zu Rybnik gewisse Zehnten, und bestätigt die von seinem Vorgänger Sirozlaus der Marienkirche zu Rybnik bei der Einweihung derselben verliehenen Zehnten, so wie die von einigen Rittern geschenkten freien Zehnten, und die Schenkungen des Herzogs Kasimir.

In Nomine Sancte et Individue Trinitatis. Nos Laurentius miseracione divina Wratizlaviensis Episcopus, notum facimus presentibus et futuris, quod cum communi consensu Capituli Wratizlaviensis, ad honorem Dei, et ad sustentacionem Sanctimonialium ecclesie S. Salvatoris in Ribnich, ad peticionein reverendi Principis et catholici Domini, Kasimiri, illustris Ducis de Opol. damus et concedimus ecclesie S. Salvatoris in Ribnich, decimas villarum in Castellatura de Tessin, que sunt: Golesouo, Vizla, Yscrichino, Zamaischi, Nageuuzi, Suenchizi, Suburbium, Zasere, Clechemuje, Radouiza, Punzo, Beleuicsco, Ogrozona, Nouosa, in perpetuum habendas. In decimis eciam que in novalibus desertorum eiusdem Castellature succrescere poterunt, cum dicti Capituli Wratizlaviensis consensu, predicte ecclesie S. Salvatoris in Ribnich damus et concedimus medietatem. In ambitu autem de Crauar, cum duabus villis adiacentibus, Rachov et Lichan, duas partes decimarum eidem ecclesie S. Salvatoris in Ribnich, cum pretati Capituli consensu damus et concedimus. Decimas vero quas predecessor noster pie memorie Dominus Sirozlaus quondam Wratizlaviensis Episcopus, ecclesie Sancte Marie Virginis in Ribnich in ipsius ecclesie consecratione contulit, cum sepedicti Capituli Wrat. assensu eidem ecclesie confirmamus. Decimas videlicet ipsius ville Ribnich, Smolna, Zalese, Knegnizi, quam ultimam villam recepit ecclesia de Ribnich ab ecclesia de Sale, in concambium pro villa Golconis. Et ne in liberis decimis quas sepedicte ecclesie S. Salvatoris in Ribnich quidam milites de voluntate propria contulerunt, ipsa ecclesia quoquo modo possit defraudari, ipsas eidem ecclesie cum supranotato assensu dignum ducimus confirmare. Decimas scilicet Vincentii et Pribizlai, Grisani et Johannis, Gassonis et Alberti, Alexandri et Ztrezonis, Vincentii et fratrum ejus, Suentossii et Michahelis, Eustachii et Wisimiri, Wrtizlai et Grimizlai. Donationes siquidem ipsius Ducis, quas prenominate ecclesie S. Salvatoris in Ribnich liberrime contulit, huic nostre donationi ad memoriale sempiternum dignum duximus interserere, que sunt: ipsum territorium de Ribnich, cum Capella et omni iure et iurisdicione et libertate et utilitate, tam castorum quam etiam omnium aliorum proventuum, que in presenti seu in futuro possunt aut poterunt in eodem territorio succrescere; villa de Breze, Smolna, Knegnizi, Wroblino et Susela, cum sua circuitione, Bresini, Scacouizi, Crauar cum suo ambitu, Rachouo et Lichan, cum plena libertate, Grudina, et teloneum de Seuor. Ut igitur hec nostra donatio et concessio a nostris successoribus inviolabiliter observetur inposterum, ipsam presentis pagine attestatione, et tam sigilli nostri, quam et suprapositi Capituli appensione roborando confirmamus. Actum in Wrat. in Coro Sancti Johannis, Anno ab Incarnatione Domini M°CC°XX°III°. VIII°.Kalendas Junii, in presentia Victoris decani, Janusii archidiaconi, Egidij scolastici, Radulfi cantoris, Laurentii custodis, Radozlai archidiaconi Olomucensis, Sdizlai archidiaconi de Zauichost; Canonicorum Wratizlaviensium, Ottonis, Lupi, Alberti, Sdizlai, Prothasii, Franconis, Lambini, Simonis, Johannis, Boguzlai, et aliorum canonicorum Wratizlaviensium; Comitis Radozlai, Judicis de Opol, qui in hoc facto nuncius extitit Ducis Kasimiri. et in presentia multorum aliorum. Supradictis addimus, quod medietatem novalium iu Castellatura de Tessin ecclesie Sancti Johannis in Wrat. reservamus, et terciam partem decimarum in Crauar, Rachov, et Lichan. Ecclesie vero S. Nicholai in Tessin pro cambio quarumdam decimarum superius dictarum quadraginta urnas mellis assignamus in Cozli. Hee ultime additiones facte sunt in Smarschov eodem anno, VI°. Kal. Junij, coram predictis testibus.

Die anhangenden elliptischen Siegel, an Schnüren von rother Seide, sind wohl erhalten: das bischöfliche hat die Umschrift † SIGILL. LAVRENTII. VRATIZLAVIENSIS. EPI. Das Kapitelsiegel zeigt den Johanniskopf mit der Umschrift: SIGL. CAP........NNIS. BAPTISTE.
Hugo, Ann. Ord. Praemonstrat. I. Prob. p. 481. Daraus Boczek, Cod. Dipl. Morav. II, 151.

Codex Diplomaticus Silesiae, hrsg vom Vereine für Geschichte und Alterthum Schlesiens, Bd 1, Urkunden des Klosters Czarnowanz. Hrsg von dr W. Wattenbach, Breslau 1857.